Кәдер авылында А.Ш.Шәяхмәтов истәлегенә көрәш буенча турнир узды

21 апрельдә Кәдер авылында 2001-2004 һәм 2005 елларда туган яшүсмерләр арасында А.Ш.Шәяхмәтов истәлегенә милли көрәш буенча турнир узды. Анда Аксар, Сәвәләй, Сармаш-баш, Югары Мәлем, Кадер,Түбән Биш, Сарсаз-Баграж һәм Поручик авылларыннан, Зәй һәм Алабуга шәһәрләреннән килгән көрәшчеләр катнашты. Ярышны тантаналы төстә район Башкарма комитеты җитәкчесе И.Ф.Хафизов ачты. Чарада шулай ук район Башкарма комитеты җитәкчесе урынбасары А.В.Чапков, атказанган тренер Р.Н.Фәйзуллин, мәгариф идарәсе башлыгы С.А.Кузнецов, физкультура, спорт һәм туризм идарәсе башлыгы Р.Р.Мәүләвиев һәм башкалар катнашты. Җиңү түбәндәгечә билгеләнде: 1 нче урынны Кадер -Түбән Биш; 2 нче урынны - Сәвәләй; 3 нче урынны Алабуга командалары алды . Ярышны үткәрүдә ярдәм күрсәтүчеләргә чын күңелдән рәхмәт белдерәбез!