Зәйдә яңа чәчү сезоны ачылды

18 апрельдә Зәй районы башлыгы Р.Г.Кәримов катнашуында “Нива” ҖЧШендә чәчү эшләренең яңа сезоны башланып китте. Җирне сөргәннән соң механизаторлар арпа чәчергә керештеләр. План буенча 530 гектарда арпа, сабан бодае 363 гектарда чәчелергә тиеш. Шулай ук 1023 гектар җирдә кышкы культураларны тукландыру эшләре алып барыла. Бу эшләрнең беренче өлеше уңышлы гына башкарылды инде һәм ул шул рәвештә дәвам итәчәк.