“Теремкәй”гә районнардан семинарга җыелдылар

18 нче апрельдә Зәйнең “Теремкәй” балалар бакчасында “Мәктәпкәче яшьтәге балаларны Идел буе халыкларының гореф-гадәтләре һәм мәдәнияте белән таныштыру” темасына төбәк семинары узды. Аның максаты район, төбәк педагоглары арасында үзара тәҗрибә уртаклашу, һөнәри компетенлылыкны һәм осталыкны үстерү иде. Семинар Идел буе халыклары фестивале белән ачылды. Өлкән тәрбияче А. Мостаева семинарда катнашучыларны Идел буе территориясендә яшәүче халыкларның гореф-гадәтләрен өйрәтүдә “Теремкәй” коллективының эшчәнлеге белән таныштырды. Тәрбиячеләр алдан әзерләнгән мәйданчыкларда дидактик һәм халык уеннары үткәрү буенча мастер-класслар күрсәттеләр. Шулай ук бер мәйданчыкта “Тургайлар” элекке рус бәйрәмен оештырды. Семинарда авыл һәм шәһәрләрдән 50 ләп педагог катнашты.