Зәйдә әти-әниләр татар теленнән имтихан тапшырды

17 апрельдә «Зәй шәһәре аерым фәннәрне тирәнтен өйрәнү юнәлешле 7 нче урта гомуми белем мәктәбе»ндә «Ата–аналар тарафыннан БРИ тапшыру көне» Республикакүләм акциясе уздырылды. Акциядә 46 ата-ана катнашты. Чыгарылыш сыйныф укучылары өчен уздырылган БРИ таләпләре акциядә катнашкан ата-аналарга да кагыла. Алар мәктәп бинасына паспорт күрсәтеп, металл караучы махсус корылма аркылы уза. Телефоннарны куллану катгый тыела, имтихан барышы видеога яздырыла. Акциянең максаты – ата-аналар жәмәгатьчелеген татар теле буенча бердәм республика имтиханын һәм төп дәүләт имтиханын тапшыру процедурасы белән таныштыру. Татар теле буенча БРИ милләте татар булмаган катнашучылар өчен, татар телен база дәрәҗәсендә белүче катнашучылар өчен, татар телен камил дәрәҗәдә белүчеләр өчен өч дәрәҗәдә оештырылды.