Авыл җирлекләрендә беренчел ветераннар оешмалары җыелышлары үтә

Авыл җирлекләрендә район ветераннар Советы рәисе Николай Шипков катнашында беренчел ветераннар оешмасы җыелышлары үтә. Очрашулар авыл җирлекләрендә ветераннар оешмаларын җанландырып җибәрү максатында оештырыла. Поповка авылы җирлегендә барлыгы 278 кеше исәпләнә, шуларның 122 се пенсионерлар. 5 нче апрельдә Поповка авылында үткән җыелышта, ветераннар Советы рәисе итеп Земфирә Миңнеханова сайланды, аның урынбасары һәм беренчел ветераннар Советы әгъзалары да билгеле булды. Утырыш башланыр алдыннан, район мәдәният йортының үзешчән сәнгать хезмәткәрләре концерты күрсәтелде.