Зәйдә эксперт советы утырышы узачак

Зәй мәшгульлек үзәгендә апрельнең икенче декадасында эшсез гражданнарның бизнес-планнарын бәяләү буенча эксперт советы утырышы узачак. Ул эшмәкәрлек эшчәнлеге формасында үзмәшгульлекне оештыруда финанс ярдәме күрсәтү ниятеннән оештырыла. Утырышта булачак эшмәкәрләрнең тәкъдим ителгән эшчәнлек юнәлешләре буенча бизнес-планнары тикшереләчәк. Баш дәүләт салым инспекторы Оксана Зыкова пенсия һәм салым закончалыкларындагы үзенчәлекләр турында аңлатып, гражданнарны кызыксындырган сорауларга җавап бирәчәк.