Зәйдә чаңгы сезонын ябарга әзерләнәләр

7нче апрель, шимбә көнне Яңа шәһәр урман аланында чаңгы сезонын ябуга багышланган ярышлар оештырыла. Әлеге зур чараның максаты : район халкы арасында чаңгы спортын популярлаштыру, сәламәт яшәү рәвешенә тарту, иң көчле чаңгычыларны ачыклау һ.б. Ярышларда предприятие, оешма, учреждениеләр командалары, авыл җирлекләре, ветераннарның җыелма командалары катнаша ала. Программада 1800 метрлы дистанциядә төрле яшьтәге чаңгычылар арасында катнаш эстафета каралган.Җиңүче командалар һәм призлы урыннарны яулаучылар физкультура һәм спорт идарәсе медаль һәм грамоталары белән бүләкләнәчәк. Ярышлар с.10 да башлана.