Зәйдә мәдәният хезмәткәрләре киңәште

Әлеге утырышларның чираттагысы Гүлкин мәдәният йортында чуваш халык йола-бәйрәмнәре темасы буенча узды. Мәдәният идарәсе башлыгы Сәрия Батршина агымдагы елга бурычлар, алда торган эшләр турында сөйләде. Утырышта башлыча сүз авыл мәдәният йортларында узучы яшьләр десанты, 8 Март бәйрәме, Толстой елы турында барды. Гүлкин мәдәният йорты эшчәнлеге буенча чыгыш мәдәният хезмәткәрләрендә кызыксыну уятты. Соңыннан "Палан" чуваш фольклор ансамбле чуваш халык йола-бәйрәмнәрендә яратып башкарылучы җырларны тәкъдим итте.