Зәй делегациясе Казанның Җиңү паркында чәчәкләр салуда

Бүген башкалабыз Казанның Җиңү паркында Ватанны саклаучылар көне уңаеннан илебез азатлыгы өчен гомерләрен биргән якташларыбыз истәлегенә веноклар салу булды. Әлеге чарада республикабызның барлык шәһәр һәм районнарыннан делегацияләр катнашты. Район башкарма комитеты җитәкчесе Илнар Хафизов җитәкчелегендәге 14 кешедән торган Зәй делегациясе составында “Сугышчан бердәмлек” иҗтимагый оешмасы вәкилләре, яшьармияче, хәрби комиссар Айрат Әгъләмҗанов, район башкарма комитеты җитәкчесенең социаль мәсьәләләр буенча урынбасары Александр Чапков, яшьармиячеләр штабы җитәкчесе Александр Ширяев бар. Соңрак алар Салих Сәйдәшев исемендәге Дәүләт Зур концерт залында Татарстан Республикасы Президенты Рөстәм Миңнеханов катнашында бәйрәм тантанасында катнашачаклар.