Шагыйрь, әдип, драматург Ф.Яруллинның тууына 80 ел тулуга багышлана

Аксар китапханәсендэ барлык китап укучыларның яраткан шагыйре, әдибе, драматургы Ф.Яруллинның тууына 80 елга багышлап, әдәби- музыкаль кичә уздырылды. Кичә өчен “Язмышларга буйсынмас җан” исемле китап күргәзмәсе төзелде һәм аңа күзәтү ясалды. Шулай ук язучының иҗатына презентация күрсәтелде. Кичә авторның тормыш юлы,иҗатын барлаудан башланды, алга таба китап укучылар шагыйрьнең искиткеч осталык белән язылган шигырьләрен укыдылар, аның сүзләренә язылган җырлар яңгыраттылар.Үзе дә гомерен китапханәче һөнәренә багышлаган Саҗидә Халитова Ф.Яруллинда кунакта булганы, аның вафатыннан соң да хатыны Нурсөя белән аралашуы турында кызыклы әңгәмәсен җиткерде. Шулай ук автограф тамгасы белән бирелгән “Хәтер төпкелендә утлы күмер “ исемле, шагыйрьнең үз уй - кичерешләрен чагылдыручы көндәлекләре тупланган китабыннан өзекләр укыды. Фәнис Яруллинның язмышы, китаплары һәр кеше өчен үрнәк итеп алырлык. Кайсы гына китабын алсаң да, ул тиз укыла, әйтерсең лә, шул вакыйгалар эчендә үзең кайныйсың. Һәр кичереш, һәр вакыйга укучыда тирән уйлар тудыра.