Район башлыгы Р.Г. Кәримов эшсезләр белән очрашты

Бүген халыкны эш белән тәэмин итү үзәгендә район башлыгы Р.Г. Кәримов эшсез гражданнар белән очрашты. Чарада шулай ук шәһәр прокуроры Р.Р. Кәримов, шәһәр һәм район хәрби комиссары А.Ф. Әгъләмҗанов, Зәй районы Пенсия фонды идарәсенең пенсия билгеләү һәм яңадан исәпләү бүлеге башлыгы Л.Р. Хәсәнова һәм эш бирүчеләр вәкилләре: "СМП-Нефтегаз» АҖ, «КАМАЗ» кою заводы, «Таттелеком» АҖ, «Ялта-Зәй» спорт әзерлеге үзәге коммерцияле булмаган спорт учреждениесе, «Мефро уилз Руссиа Завод Заинск» ҖЧҖ, «Зәй урманчылыгы» ДКУ катнашты. Чара кысаларында Разиф Кәримов эшсезләргә 2017 ел нәтиҗәләре буенча районның социаль - икътисади үсеше һәм киләчәк перспективалары турында сөйләде. Зәй шәһәре мәшгульлек үзәге директоры Е.В. Андреева хезмәт базарындагы хәл турында мәгълүмат җиткерде, ә предприятие вәкилләре - эшкә урнашу өчен буш эш урыннары һәм вакантлы вазыйфалар турында хисап тоттылар. Шулай ук эшсезләрне эш белән тәэмин итү өлкәсендә хокук бозулар һәм пенсия законнарындагы үзгәрешләр турында мәгълүмат белән таныштырдылар. Эшсезләргә вакансияләр ярминкәсендә 39 һөнәр буенча 142 эш урыны тәкъдим ителде. Чарада барлыгы 79 кеше булды, шуларның 14е даими эшкә юллама алды.