Зәй командасы Р.Ш. Фәрдиев истәлегенә көрәш буенча Бөтенроссия ярышларында 2 урынны яулады

"Давыдов-Арена" боз сараенда Р.Ш. Фәрдиев истәлегенә көрәш буенча Бөтенроссия ярышлары тәмамланды. Ярышларга Россиянең 4 төбәгеннән, Татарстанның 25 районы һәм шәһәреннән 280-нән артык спортчы җыелган иде. Хәлиткеч финал ярышлары алдыннан узган турнирның ябылу тантанасында көрәшчеләрне район башлыгы Р.Г. Кәримов сәламләде. Разиф Гали улы командаларга ата-бабаларыбызның милли традицияләренә тугрылык һәм хөрмәт күрсәтүләре, үз төбәкләрендә көрәшне үстерүләре һәм камилләштерүләре өчен рәхмәт белдерде, финалга чыгучыларга иң яхшы алымнар һәм яхшы техника күрсәтүләрен теләде. Ике көнлек ярышлар йомгаклары буенча командалар арасында урыннар түбәндәгечә бүленде: 1 урын - Казан шәһәре, Зилант; 2 урын - Зәй муниципаль районы; 3 урын - Марий Эл Республикасы. Икенче призлы урынны безнең командага түбәндәге көрәшчеләр китерде: Ир-атлар: 60 кг авырлык категориясендә-2 урын Талипов Булат, 3 урын - Гайсин Аяз; 65 кг авырлык категориясендә - 3 урын Ибраһимов Җәмил; 70 кг авырлык категориясендә - 3 урын Кашапов Азат; 100 кг авырлык категориясендә - 3 урын Шириев Рәсим; 130 кг авырлык категориясендә - 1 урын Сәлахов Радик. 2007-2008 елгы яшүсмерләр: 55 кг авырлык категориясе -3 урын Насиров Фидан. Көрәшчеләребезне лаеклы җиңүләре белән котлыйбыз!