Зәйдә наркотикларга каршы комиссия утырышы булды

Бүген администрациянең кече залында наркотикларга каршы комиссия утырышы булды. Утырышны район башлыгы урынбасары П.С. Уразайкин алып барды. Комиссиянең алдагы утырышы йомгаклары буенча карарларның үтәлешенә анализ белән Яшьләр эшләре идарәсе җитәкчесе Шәрәфиева Гүзәл Махияновна чыгыш ясады. Массакүләм мәгълүмат чараларында наркотикларга каршы комиссия эшен, профилактик чаралар уздыру планнарын һәм нәтиҗәләрен яктырту буенча «Татмедиа» АҖнең «Зәй – информ» филиалы баш мөхәррире - җитәкчесе Исаков Александр Кузьмич чыгышы тыңланды. Шулай ук диагностика, профилактика чаралары, наркотик һәм психотроп матдәләрне медицинадан тыш куллануга бәйле рәвештә наркоманиядән дәвалану һәм медицина һәм социаль реабилитация узу бурычы йөкләнгән затларны контрольдә тоту; социаль яклау учреждениеләренең гаиләләр, балалар һәм яшүсмерләр белән «хәвеф-хәтәр төркеме» профилактик эшен оештыру; ел саен уздырыла торган «МӘК-2025» Бөтенроссия ведомствоара оператив – профилактик операция барышында наркотиклы үсемлекләрнең законсыз кыргый чәчүлекләрен ачыклау эшен оештыру турында. Көн тәртибендәге барлык мәсьәләләр буенча тиешле карарлар кабул ителде. Наркотикларга каршы комиссия рәисе урынбасары комиссиянең барлык әгъзаларын һәм утырышта катнашучыларны эшне активлаштырырга өндәп, йомгак ясады.