Зәйдә Республика маркетинг үзәге мәйданчыгында эш барышы буенча фикер алыштылар

Бүген хакимият бинасының кече залында район башлыгы Р.Г. Кәримов рәислегендә Республика маркетинг үзәге мәйданчыгындагы эш турында фикер алышу буенча киңәшмә узды. Районның эш нәтиҗәләре турында район Башкарма комитеты җитәкчесенең икътисади үсеш, сәнәгать, сәүдә һәм эшмәкәрлеккә ярдәм буенча урынбасары М.М. Хәбибуллин хисап тотты. «Татарстан Республикасы Дәүләт заказы агентлыгы» АҖ вәкиле П.А. Афонин сатып алуларны электрон сәүдә мәйданчыгында урнаштыруны, товарларның сыйфатын тикшерүне һәм продукцияне китерүне дә кертеп, АГЗснабның эш процессы турында сөйләде. Йомгак ясап, Разиф Гали улы әлеге теманың мөһимлеген тагын бер кат билгеләп үтте һәм киңәшмәдә катнашучыларны РМҮ республика мәйданчыгында эшне активлаштырырга өндәде.