Карпов Данил - ирекле көрәш буенча республика ярышлары җиңүчесе

9 октябрьдән 11 октябрьгә кадәр Казанда Россиянең атказанган спорт мастеры Шамил Садриев истәлегенә 16 яшькә кадәр яшүсмерләр арасында ирекле көрәш буенча ачык республика ярышлары узды. Ярышларда Идел буе федераль округы командаларыннан 200дән артык спортчы катнашты. 57 кг га кадәр авырлык категориясендә тренер И.Г. Хәйруллин кул астында шөгыльләнүче Карпов Данил җиңүче булды һәм ул Идел буе федераль округының иң көчле спортчыларының берсе булуын тагын бер кат исбатлады.