Зәйдә авыл һәм эшче яшьләрнең туристик слеты узды

11 октябрьдә "Йолдызлык" лагеренда шәһәр һәм район предприятиеләре һәм оешмаларының авыл һәм эшче яшьләренең туристик слеты узды. Әлеге чара "Яшьләр һәм балалар" илкүләм проекты кысаларында узды. Быел слетта 5 команда: Техно заводы, Зәй ГРЭСы, "Гвардия" хәрби-патриотик клубы һәм Сәвәләй авыл җирлеге командасы катнашты. Катнашучыларга түбәндәге дистанцияләрне узарга туры килде: - Асылмалы кичү; - Бүрәнә аша кичү; - Параллель коймалар буенча кичү; - "Вертикаль маятник" ысулы белән кичү; - Тау буйлап төшү; - Төен бәйләү; - Азимут билгеләү; - Траверс инеше; - Коры чокыр аша зыян күрүчене һәм аның рюкзагын алып чыгу. Слетның иң тәмле этабы - "Пешекчеләр конкурсы", анда командалар үзләренең кулинария сәләтләрен күрсәттеләр, оригинальлеге һәм тәме белән аерылып торган төрле ризыклар әзерләделәр, бу чарага үзенчәлекле бәйрәм һәм бердәмлек атмосферасы өстәде. "Слет көч һәм җитезлек сынавы гына түгел, ә күңелле мизгелләр тулы чын маҗара булып чыкты. Бигрәк тә бүрәнә аша кичүдә барысының да катлаулы участокларны елмаеп һәм бер-берсенә ярдәм итеп җиңеп чыкканнары истә калды - нәкъ менә бу чараны шундый кызыклы һәм җанлы итә!" - дип үз фикере белән уртаклашты "Гвардия" клубыннан Родион. Ярышлар нәтиҗәсендә урыннар түбәндәгечә бүленде: Эшче яшьләр арасында: 1 урын – Техно заводы -1, 2 нче урын - Зәй ГРЭСы, 3 урын - Техно заводы -2. 16 яшьтән олырак яшьләр арасында: 1 урын - Сәвәләй авыл җирлеге командасы, 2 урын - "Гвардия" хәрби-патриотик клубы. Чара ахырында барлык катнашучылар дипломнар һәм истәлекле бүләкләр белән бүләкләнде.