Зәй районы укучылары беренче Бөтенроссия агродиктантында катнашты
9 сентябрьдә иксез — чиксез Ватаныбызның барлык почмакларында — Калининградтан алып Владивостокка, Иделдән алып Елисейга, Урал тауларыннан алып Кавказ тауларына кадәр - зур чарада катнаштылар. Россиянең барлыгы 89 төбәге уникаль белем бирү проектының — беренче Бөтенроссия агродиктантының бер өлеше булды. Дистәләгән мең мәктәп укучылары, студентлар, фермерлар һәм агросәнәгать комплексы белгечләре Россия икътисадының мөһим тармагы булган авыл хуҗалыгы өлкәсендәге белемнәрен тикшерергә булдылар. Чарада Зәй муниципаль районы Кадер һәм Сәвәләй урта мәктәбе агроклассларының 5 укытучысы һәм 58 укучысы да катнашты. Агродиктант.РФ платформасында теркәлгәннән соң, барысы да тәкъдим ителгән биремнәрне уңышлы үтәде. Шулай итеп, беренче Бөтенроссия агродиктанты яшьләр һәм аграр өлкә профессионаллары өчен әһәмиятле вакыйгага әверелде, дистәләгән мең россиялене авыл хуҗалыгында үз белемнәрен арттыру омтылышында берләштерде.