Район башлыгы авыл хуҗалыгы бүлекчәләрен карап чыкты
Бүген район башлыгы Р.Г. Кәримовның авыл хуҗалыгы идарәсе, агрофирмалар һәм ветеринария берләшмәсе белгечләре белән чираттагы очрашуы булды. Разиф Гали улы район кырларындагы һәм фермаларындагы эшләрнең барышы белән танышты. Силос өчен кукуруз җыюның барышын, көнбагыш суктыруны, шикәр чөгендерен җыю һәм төяүне, туфракны төп эшкәртүне карадылар. Район башлыгы башкарылучы эшләрнең сыйфатына аерым игътибар бирде. Карау графигына 7 объект кертелгән иде. Бөтен җирдә эшләр тиешенчә оештырылган. Механизаторлар эшли торган барлык нокталарда да башкарылган эшләрнең сыйфатын һәм санын тикшереп торучы агрофирма белгечләре беркетелгән.
Разиф Гали улы механизаторларга һәм авыл хуҗалыгы оешмалары белгечләренә рәхмәт белдерде, алдынгыларга Зәй районы логотибы төшерелгән фирма бейсболкалары бүләк итте, өзлексез һәм уңай нәтиҗәле эш теләде, башкарган хезмәтегез канәгатьлек китерсен", - диде.