Зәйдә районның педагогик хезмәткәрләрен котладылар
Бүген Зәй балалар музыка мәктәбендә Бөтендөнья укытучылар көненә багышланган бәйрәм чарасы узды. Педагогларны һәм мәгариф өлкәсе хезмәткәрләрен якынлашып килүче бәйрәм белән Зәй муниципаль районы башлыгы Разиф Гали улы Кәримов котлады.
Мәгариф хезмәткәрләренә тантаналы рәвештә Татарстан Республикасы һәм Зәй муниципаль районының ведомство бүләкләре тапшырылды. Күренекле казанышлары һәм күпьеллык намуслы хезмәтләре, мәгариф өлкәсендәге зур хезмәтләре өчен, 13 педагог Татарстан Республикасының «Мактаулы остазы» билгесе белән бүләкләнде. Үсеп килүче буынга белем бирү һәм тәрбия бирү системасына керткән зур өлеше һәм күпьеллык намуслы хезмәте өчен, Татарстан Республикасының «Телләрне, мәдәниятләрне, гореф-гадәтләрне саклаган һәм үстергән өчен» күкрәк билгесе белән 11 кеше бүләкләнде. Яшь буынга белем бирү һәм тәрбия бирү системасына керткән зур өлеше өчен, Зәй политехника көллияте укытучысы Андрианова Светлана Николаевна Татарстан Республикасының «Яшь мөгаллим» күкрәк билгесе белән бүләкләнде. Үсеп килүче буынны тәрбияләү һәм мәгариф системасына керткән зур өлешләре һәм күпьеллык намуслы хезмәтләре өчен, 17 педагогик хезмәткәр Татарстан Республикасы Мәгариф һәм фән министрлыгының Мактау грамотасы белән бүләкләнде. Үсеп килүче буынга белем һәм тәрбия бирү эшендә ирешкән уңышлары өчен, 5 мәктәпкәчә хезмәткәр Зәй муниципаль районы башлыгының Мактау грамотасы белән бүләкләнде. Үсеп килүче буынны укыту һәм тәрбияләү эшендә ирешкән уңышлары өчен, Зәй муниципаль районы Башкарма комитеты җитәкчесенең Рәхмәт хаты белән 12 мәгариф системасы хезмәткәре бүләкләнде. Укыту һәм тәрбия процессын оештыруда һәм камилләштерүдә зур уңышлары өчен, Зәй муниципаль районы мәгариф идарәсенең Мактау грамотасы белән 9 педагог бүләкләнде.
Бүләкләү тантанасы мәктәп ансамбльләре һәм «Энергетик» мәдәният йорты концерт төркеме башкаруында концерт номерлары белән чиратлашып барды. Чара «Барлык укытучыларга гимн» җыры белән тәмамланды.