Бөек Ватан сугышы Ветераны Леонид Мачтаков өлкәннәр көне белән җылы котлаулар кабул итте
Бүген Бөек Ватан сугышы Ветераны Леонид Мачтаков үз өендә дәрәҗәле кунаклар кабул итте. Район башлыгы Разиф Кәримов районның Мактаулы гражданинын өлкәннәр көне белән котлады.
Разиф Гали улы белән бергә ветеран янына Зәй ГРЭСы директоры Дмитрий Прохоров, шәһәр Советы депутаты Валерий Алейников, социаль яклау бүлеге башлыгы Эльмира Хуҗина, район ветераннар Советы рәисе Алексей Алексеев килде.
"Чын күңелдән сезне шушы көзге бәйрәм белән котлыйм һәм нык сәламәтлек телим. Арабызда булуыгыз, шәхси үрнәгегез белән яшь буынны патриотик тәрбияләүдә ярдәм итүегез өчен рәхмәт», - диде Разиф Гали улы.
Дмитрий Прохоров энергетика ветеранын котлап, тагын бер күңелле яңалык җиткерде - Леонид Мачтаковка Бөек Җиңүнең 80 еллыгы уңаеннан һәм илнең энергетика тармагына зур өлеш керткәне өчен "Җылылык-энергетика комплексының мактаулы хезмәткәре"исеме бирелде. Предприятие җитәкчесе Россия Федерациясе Энергетика министры Сергей Цивилевның боерыгын укыды, предприятиедән күкрәк билгесе һәм бүләк тапшырды.
Башка кунаклар да котлауларга кушылдылар, Леонид Яковлевичка сәламәтлек һәм озын гомер теләделәр.