"Кванториум" балалар мобиль технопаркы-безнең мәгариф партнерыбыз
«Яшьләр һәм балалар» милли проектын гамәлгә ашыру кысаларында Р.Ш. Фәрдиев исемендәге татар гимназиясе базасында икенче ел рәттән белем бирү партнеры Яр Чаллы шәһәренең "Кванториум" балалар мобиль технопаркы 5-8 сыйныф укучылары өчен промробо/промдизайн, VR/IT, гео/аэро, hi-tech юнәлешләре буенча дәресләр циклы уздыра. Сәнәгать дизайны буенча дәресләрдә укучылар инде SketchUp база инструментларын — «Кысу» һәм «Күчү»не үзләштергәннәр, мөһим принципларны — төркемләүне һәм компонентлар белән эшләүне өйрәнгәннәр. Хәзер яссы сызым җиңел күләмле сызымга әверелә, гимназистлар катлаулы һәм шул ук вакытта пөхтә модельләр төзү нигезләрен үзләштерделәр. Балалар Bity программасында виртуаль киңлекләр өчен объектлар белән эшләүне өйрәнделәр: аларны күчерү, масштаблаштыру, шулай ук текстурларны салу. ZMrobo роботехник җыелмасыннан автобус җыю артта калды. Алда зур моторлы хәрәкәт итүче роботлар, хаб һәм аларны программалаштыру. Блокинг методы белән алар үзләренең беренче 3D-модельләрен төзиләр, Blender программасында модельләштерүнең база инструментларын өйрәнәләр. Шулай ук балалар компьютер челтәрләрен төзү һәм тестлаштыру күнекмәләрен үзләштерәләр. Укуның нәтиҗәсе проектларны эшләү һәм яклау булачак, алар белән укучылар конкурсларда катнаша алачак. Татар гимназиясе җитәкчесе М.Ф. Мөхәммәтханов укучыларның беренче уңышлары белән уртаклашты, аралашуның уңай, иҗади һәм җиңел кабул ителүен ассызыклады. Укучыларга ошады, алар «Кванториум» балалар технопаркында катнашу нәтиҗәсендә өр-яңа эшләнмәләр турында бик күп файдалы мәгълүматлар алдылар. Укучылар алдынгы технологияләр белән үзара хезмәттәшлектә уникаль тәҗрибә тупладылар, илһам алдылар һәм киләчәктә остазлар белән очрашуларны зур энтузиазм белән көтәләр.