Зәйдә хәрби хезмәткәр А. П. Асановны соңгы юлга озаттылар
Бүген Зәй районы халкы махсус хәрби операциядә катнашканда һәлак булган рядовой Асанов Альберт Памирович белән хушлашты. Матәм чарасы «Энергетик» мәдәният йортында узды. Район башлыгы Р.Г. Кәримов Альберт Памировичның әнисенә, туганнарына, якыннарына, барлык зәйлеләргә кайгы уртаклашу сүзләре белән мөрәҗәгать итте. "Татарстан Республикасы Рәисе, шәхсән үз исемемнән һәм барлык зәйлеләр исеменнән авыр югалтуга бәйле рәвештә кайгыгызны уртаклашам. Якын кешеңне югалтуның авыртуын бернинди сүз белән дә аңлатып булмый. Бүген без барыбыз да сезнең белән бергә кайгырабыз. Альберт Памирович зәйлеләр күңелендә чын патриотизм һәм батырлык үрнәге булып яшәр. Без аның белән горурланабыз. Сугышчы тыныч йокласын", - диде Разиф Галиевич. Шулай ук җиденче чакырылыш Татарстан Республикасы Дәүләт Советы депутаты Рияз Комаров та кайгы уртаклашу сүзләре белән мөрәҗәгать итте. Зәй шәһәре һәм Зәй районы хәрби комиссариатының өлкән белгеч-эксперты Георгий Борисов Россия Федерациясе Оборона министрлыгы, Татарстан Республикасы Хәрби комиссариаты исеменнән һәм шәхсән үз исеменнән кайгы уртаклашуын белдерде. Альберт Асановны соңгы юлга бөтен хәрби хөрмәтләр белән озаттылар. Якташыбызны бер минут тынлык белән искә алдылар, чәчәкләр салдылар. Хәрби хезмәткәрне Яңа шәһәр зиратында җирләделәр. Махсус хәрби операциядә катнашучы герой истәлеге зәйлеләрнең күңелләрендә мәңге яшәр.