Зәйдә муниципаль район башлыгы сайланды

Бүген хакимият бинасының зур залында бишенче чакырылыш Зәй муниципаль районы Советының беренче утырышы булды. Анда район Уставы нигезендә, шәһәр һәм авыл җирлекләре башлыклары, шулай ук һәр җирлектән депутат - вәкилләр катнашты. Бүгенге утырышның көн тәртибендә төп мәсьәләләр билгеләнде. Аларның иң җаваплысы-муниципаль район башлыгын сайлау иде. Шулай ук әлеге утырышта район башлыгы урынбасарын һәм Зәй муниципаль районының контроль-хисап палатасы рәисен сайлау мәсьәләләре дә каралды. Тавыш бирү йомгаклары буенча Зәй муниципаль районы башлыгы итеп Разиф Гали улы Кәримов, район башлыгы урынбасары итеп Петр Сергеевич Уразайкин, район контроль – хисап палатасы рәисе итеп Миңнебаева Саимә Мәхмүт кызы сайланды. Район Советы утырышында җиденче чакырылыш Татарстан Республикасы Дәүләт Советы депутатлары Фазылов Ринат Рафаэль улы һәм Атласов Николай Михайлович, Татарстан Республикасы Рәисенең территорияләр белән эшләү идарәсе баш киңәшчесе Нуриев Фәнис Галиәхмәт улы, Татарстан Республикасы Хөкүмәте кураторы, мәдәни мирас объектларын саклау буенча Татарстан Республикасы Комитеты рәисе Гущин Иван Николаевич һәм башкалар катнашты. Депутатларга һәм утырышта катнашучыларга мөрәҗәгать итеп, Разиф Галиевич: "Чын күңелдән барыгызга да миңа ышаныч белдергәнегез өчен рәхмәт белдерәм. Сезнең ярдәмгә өметләнәм, бары тик бергә, бер зур команда белән генә без куелган максатларга ирешә алачакбыз»- диде ул үзенең чыгышында.