Депутатлар Зәй муниципаль районы Зәй шәһәре башлыгын сайлады

Бүген Зәйдә бишенче чакырылыш Зәй муниципаль районы Советының беренче утырышы узды. Көн тәртибенә 6 мәсьәлә кертелде, аларның иң мөһиме Зәй шәһәре башлыгын сайлау мәсьәләсе иде. Депутатлар яшерен тавыш бирү юлы белән Зәй муниципаль районының Зәй шәһәре башлыгы итеп бертавыштан Кәримов Разиф Гали улын сайладылар. Шулай ук Совет утырышында Зәй шәһәре башлыгы урынбасары, Зәй шәһәре Советы вәкиле Зәй муниципаль районы Советына сайланды, Шәһәр Советының даими комиссияләре һәм Зәй муниципаль районы Башкарма комитеты җитәкчесе вазыйфасын биләүгә конкурс игълан итү турындагы мәсьәләләр каралды. Утырыш эшендә җиденче чакырылыш Татарстан Республикасы Дәүләт Советы депутаты Рияз Комаров, Татарстан Республикасы Хөкүмәтеннән куратор Иван Гущин катнашты.