Зәй районында «Татарстан Кроссы» спорт акциясе узды

2025 елның 20 сентябре, шимбә

Бүген республиканың барлык муниципаль районнарында «Татарстан кроссы - 2025»республика массакүләм ярышлары узды. Зәй районы да республика спорт хәрәкәтеннән читтә калмады. Катнашучылар Р.Ш. Фәрдиев исемендәге Татар гимназиясендә старт алдылар һәм «Энергия» стадионында финишка килделәр. Ачылу тантанасында «Зәй» спорт мәктәбе директоры Фаршатов Рамил Фәнис улы, Зәй районы ветераннар Советы рәисе Алексеев Алексей Васильевич, «Ватанны саклаучылар» фондының социаль координаторы Зиннурова Наталья Васильевна, махсус хәрби операция ветераннары Фәйзрахманов Руслан Рафаил улы һәм Зиннуров Рифат Тәлгать улы катнашты. Спорт акциясенә өлкән буын гражданнар, гомуми белем бирү учреждениеләре укучылары, Зәй политехника көллияте студентлары, предприятие һәм оешмаларның хезмәт коллективлары, районның актив кешеләре чыкты. Бу чара төрле яшьтәге һәм төрле һөнәр ияләрен уртак максат - үз сәламәтлекләрен кайгырту тирәсенә берләштерергә тиеш. Спорт традицияләре һәрвакыт көчле булган Зәй районында «Татарстан кроссы» аеруча җанлы уза, бу исә районыбызда спорт хәрәкәтен үстерүгә һәм халыкның сәламәтлеген ныгытуга тагын да ярдәм итә. Шулай ук акцияләр авыл җирлекләре, Зәй -2 һәм Мирный микрорайоннарында да үтте.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International