Район башлыгы Татнефтедор «ТаграС» ҖЧҖнең һөнәри осталык конкурсында катнашучыларны сәламләде

2025 елның 20 сентябре, шимбә

Бүген Зәй УАДы “Татнефтедор” ның “ТаграС” ҖЧҖе алдынгы һөнәр хезмәткәрләре арасында һөнәри осталык конкурсы уза. Бу компания өчен мөһим һәм әһәмиятле вакыйга. Конкурста 5 команда: Азнакай, Әлмәт, Бөгелмә, Нурлат һәм Зәй автомобиль юллары идарәләре катнаша. Ачылу тантанасында район башлыгы Р.Г. Кәримов, «Татнефтедор» ҖЧҖ директоры Р. Г. Гәрифуллин катнашты һәм чарада катнашучыларны сәламләде. Чара бүләкләү тантанасы белән дәвам итте. Күпьеллык нәтиҗәле хезмәтләре һәм Татарстан Республикасының юл тармагы үсешенә керткән өлешләре өчен, идарә аппаратының ПТО башлыгы Мосенкова Елена Станиславовнага һәм Зәй УАДы автогрейдеры машинисты Чехлов Юрий Николаевичка Татарстан Республикасы Министрлар Кабинеты рәхмәте белдерелде. Күпьеллык нәтиҗәле хезмәтләре һәм һөнәри эшчәнлекләрендә уңышлары өчен, Зәй муниципаль районы башлыгының Мактау грамотасы электр-газ белән эретеп ябыштыручы Дундуков Анатолий Петровичка, юл участогы башлыгы Попов Артур Петровичка, исәпләү буенча техник Попова Гүзәлия Әскәр кызына, электр-газ белән эретеп ябыштыручы Угланов Анатолий Владимировичка, ягулык аппаратурасы буенча слесарь Федотов Алексей Николаевичка тапшырылды. Ирешкән хезмәт уңышлары һәм югары һөнәри осталыгы өчен, Зәй УАД ы автомобиль йөртүче Виноградов Антон Петрович «Татнефтедор» ҖЧҖнең Мактау грамотасы белән бүләкләнде. Югары һөнәри осталыгы һәм “Татнефтедор” ҖЧҖ үсешенә керткән шәхси өлеше өчен, Зәй УАДы тракторчысы Синицын Никита Ивановичка директорның рәхмәте белдерелде. Һөнәри осталык ярышлары түбәндәге дисциплиналар буенча узачак:  «Ел остасы» - автогрейдерлар машинисты - экскаваторлар машинисты - йөк төягечләр машинисты - үзбушаткыч йөртүче - автомобиль юлларын карап тоту буенча иң яхшы бригада.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International