Зәй -2 яшьләре өчен "Кайда логика?" квиз-уены үтте

Зәй-2 яшьләре үзәге белгечләре "Кайда логика?" квиз-уены оештырдылар һәм үткәрделәр. Бу очрашу "Сөйлә" проекты кысаларында узды, ул Татарстан Республикасы Яшьләр эшләре министрлыгы ярдәме белән "Яшьләр өчен төбәк" комплекслы яшьләр сәясәтен үстерү программасы, "Мөмкинлекләр иле Россия" федераль проекты, "Яшьләр һәм балалар" милли проекты составында гамәлгә ашырыла. Уен форматы кызыклы интеллектуаль ярыштан торды: командалар логик мәсьәләләр чиштеләр, сорауларга җавап бирделәр һәм зирәклекләре буенча көч сынаштылар. Уенда викторина һәм интерактив элементлар берләштерелде – катнашучылар белемнәрен, коммуникатив күнекмәләрне һәм тиз карарлар кабул итүне тикшерделәр. Бу очрашуда Башкарма комитет җитәкчесенең социаль мәсьәләләр буенча урынбасары Регина Камалова катнашты. Ул котлау сүзе белән генә чыгыш ясап калмады, ә шәхсән уенга да кушылды. Катнашучы Азалия "Миңа бик ошады – барысы да кызыклы, динамик һәм файдалы булды, аеруча командада уйнарга һәм төрле фикерләрне ишетергә мөмкинлек булуы бик яхшы- дип үз фикерләре белән уртаклашты. Чара яшьләрнең хакимият вәкилләре белән интерактив очрашулар форматына югары кызыксынуын күрсәтте, логик фикерләүне һәм команда күнекмәләрен үстерүгә ярдәм итте. Мондый вакыйгалар яшьләрне иҗтимагый тормышка җәлеп итәргә һәм иҗтимагый активлыкны арттырырга ярдәм итә.