Шәһәр һәм район халкы махсус хәрби операциядә катнашучыларга мемориал өчен урын сайлады
Зәйдә махсус хәрби операциядә катнашучыларга мемориал өчен урын сайлау буенча халык тавыш бирүенә йомгак ясалды. 15 августтан 15 сентябрьгә кадәр ачык сораштыру үткәрелде, анда теләгән һәркем катнаша алды. Зәйлеләр фикер алышуда актив катнаштылар, аның мөһимлеген аңладылар. Бирелгән һәр тавыш булачак һәйкәлнең фундаментында кирпеч булды. Нәтиҗәдә төп локация — Җиңү бульвары билгеләнде. Шәһәр халкының бу карары символик һәм тирән мәгънәгә ия. Мемориалны нәкъ менә Җиңү бульварында урнаштыру-ул көчле тарихи символ. Ул исемдә мәңгеләштерелгән героик үткәнне якташларыбыз батырлык һәм кыюлык күрсәткән хәзерге заман белән бәйли. Бүгенге көндә шәһәр Башкарма комитеты тарафыннан мемориал проектын булдыруга ачык конкурс үткәрү турында нигезләмә эшләнгән, 1 октябрьдән иң яхшы проектка конкурс игълан ителәчәк.