Зәйдә Д.Р.Яхинны соңгы юлга озаттылар
Бүген Зәй районы Аксар авылында туган, махсус хәрби операциядә катнашып һәлак булган рядовой Яхин Данияр Ринат улы белән саубуллашты. Матәм чарасы авыл мәдәният йортында узды. Район башлыгы Р.Г. Кәримов Данияр Ринат улының әти-әнисенә, туганнарына һәм якыннарына, барлык аксарлыларга кайгы уртаклашу сүзләре белән мөрәҗәгать итте.
"Татарстан Республикасы Рәисе, шәхсән үз исемемнән һәм барлык зәйлеләр исеменнән авыр югалтуга бәйле рәвештә кайгыгызны уртаклашам. Якын кешеңне югалтуның авыртуын бернинди сүз белән дә җиткереп булмый. Бүген без барыбыз да сезнең белән бергә кайгырабыз. Данияр Ринат улы авылдашлары һәм зәйлеләр күңелендә чын патриотизм һәм батырлык үрнәге булып яшәр. Махсус хәрби операциядә катнашучыларның үлемсез истәлеген хөрмәтләү һәм аны буыннан — буынга тапшыру-безнең уртак бурычыбыз», - диде Разиф Галиевич.
Зәй шәһәре һәм Зәй районы хәрби комиссариатының өлкән белгеч-эксперты Георгий Борисов Россия Федерациясе Оборона министрлыгы, Татарстан Республикасы хәрби комиссариаты исеменнән һәм шәхсән үз исеменнән кайгы уртаклашуын белдерде.
Данияр Яхинны соңгы юлга бөтен хәрби хөрмәтләр белән озаттылар. Якташыбызны бер минут тынлык белән искә алдылар, чәчәкләр салдылар. Хәрби хезмәткәрне туган авылы зиратына җирлиләр. Махсус хәрби операциядә катнашучы герой истәлеге зәйлеләрнең күңелендә озак яшәяр.