Зәй спортчылары чаңгычы-узышчылар арасында республика ярышларында

2025 елның 15 сентябре, дүшәмбе

13-14 сентябрь көннәрендә Җәлил бистәсендә «Сарман муниципаль районы башлыгы призы»на чаңгычы-узышчылар арасында республика ярышлары узды. Ярышларда Олимпия чемпионы Ф.П. Симашев исемендәге спорт мәктәбендә тәрбияләнүчеләр катнашты. Беренче көнне спортчылар чаңгы роллерларында көч сынашты. 2008-2009 елгы кызлар арасында 2 нче урынны Пылаева Софья алды. Икенче көнне спортчылар кросс йөгерде. 2012-2013 нче елгы кызлар арасында 1 нче урынга - Биктаһирова Зарина, 2010-11нче елгы кызлар арасында 2 нче урынга Тихонова Азалия ия булды.