Зәй муниципаль район башлыгы Р. Г. Кәримов Татарстан Республикасы Рәисе өчен тавыш бирүдә катнашты
Бүген, 14 сентябрьдә, Татарстан Республикасы рәисен сайлау көнендә, 1нче урта мәктәптә урнашкан 1451нче сайлау участогына үзләренең гражданлык бурычын үтәргә тормыш иптәше белән район башлыгы Р.Г. Кәримов килде. Бу участокта сайлаулар, башка бик күпләрдәге кебек үк, бәйрәм шартларында уза. Сайлаучыларны җанлы музыка белән каршы алалар, туган якны өйрәнү музее коллективы район тарихы, аның 1935 елдан алып бүгенге көнгә кадәрге җитәкчеләре турында фотокүргәзмә әзерләгән.
Разиф Кәримов зәйлеләрне әлеге мөһим сәяси вакыйга белән котлады, актив гражданлык позицияләре өчен рәхмәт белдерде һәм район һәм республиканың киләчәк иминлеге һәр сайлаучыга бәйле булуын билгеләп үтте.
"Бүген без республика лидерын гына түгел, тотрыклылыкны һәм иртәгесе көнгә ышанычны да сайлыйбыз. Татарстан бүген илебезнең иң көчле төбәкләренең берсе, киләчәктә дә республикабыз шундый ук булып калуын телим. Ә Зәй сайлаучысы ул һәрвакыт актив булды, бүген дә сайлаулар югары оештыру дәрәҗәсендә узар дип өметләнәм", - диде Разиф Галиевич.
Сайлау участогына район башлыгы белән бергә Татарстан Республикасы Дәүләт Советы депутаты Рияз Комаров та килде.