Зәйдә Татарстан Республикасы Рәисен һәм җирле үзидарә вәкиллекле органнары депутатларын сайлау башланды

2025 елның 14 сентябре, якшәмбе
Бүген Татарстанда Татарстан Республикасы Рәисен һәм җирле үзидарә вәкиллекле органнары депутатларын сайлаулар уза. Зәй муниципаль районында тавыш бирү тулысынча әзерләнгән 61 сайлау участогында оештырыла. Шәһәрдә иртәнге 7:00дән 20, район авылларында – 41 сайлау участогы ачылды. Алар барысы да мәктәп, мәдәният йортлары, спорт учреждениеләре биналарының беренче катларында урнашкан. Тавыш биргәннән соң теләгән сайлаучылар беләзекләр ала, алар ярдәмендә бүген музейга, бассейннарга, Боз сараена бушлай барырга, фильм һәм мультфильм карарга мөмкин. Боз сарае теләүчеләрне 9:00 дән 20:00 гә кадәр кабул итәчәк, Зәй туган якны өйрәнү музее – 8:00 дән 17:00 гә кадәр, бассейннар – 9:00 дән 20:00 гә кадәр, «Тимур һәм аның командасы» фильмы кино учреждениесендә 11:00 сәгатьтә күрсәтеләчәк, «Энергетик» мәдәният сараенда «Искиткеч бишлек» мультфильмы 14:00 сәгатьтә күрсәтеләчәк. Шулай ук бүген масштаблы республика фотоконкурсы оештырыла. Һәр Зәй гаиләсе анда катнашып, ике автомобильнең берсен яисә 11 смартфонның берсен отарга мөмкин. Яшь сайлаучыларга көн дәвамында сайлау участокларында истәлекле бүләкләр тапшырылачак.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International