Зәйдә җитәкчелекнең хезмәт коллективлары белән очрашулары дәвам итә

Бүген район башлыгы Р.Г. Кәримов "Татнефтедор" ҖЧҖ Зәй идарәсе хезмәт коллективы белән очрашты. Үзенең чыгышында Разиф Галиевич беренче яртыеллыкта районның социаль - икътисади үсешенең төп күрсәткечләре турында сөйләде һәм 2025 елның калган чорына перспектив юнәлешләрне билгеләде. Зәй идарәсе башлыгы Марат Сираев предприятиенең 8 айлык эшчәнлегенә йомгаклар һәм 2025 елга бурычлар турында доклад белән чыгыш ясады. Эшчәнлекнең төп төрләре: автомобиль юлларын ремонтлау, төзү һәм карап тоту. 8 айда идарә тарафыннан 586 млн сумлык ремонт - төзелеш эшләре башкарылган, бу узган елның шул ук чоры белән чагыштырганда 122%. Хезмәткәрләрнең исемлектәге уртача саны - 107 кеше, уртача хезмәт хакы-9% ка үсеш белән 92 мең сум. Район башлыгы районның юл хәрәкәте иминлегенә һәм юл инфраструктурасын яхшыртуга керткән өлешләре өчен УАД коллективына рәхмәт белдерде. Шәһәрнең башка предприятиеләрендә дә очрашулар уза, анда актуаль проблемалар һәм үсеш перспективалары турында фикер алышалар. Бүген шикәр заводының актлар залында район башлыгы «Зәй шикәре» АҖ һәм «Зәй элеваторы» ҖЧҖ хезмәт коллективлары белән дә очрашты.