Бердәм тавыш бирү көне: Зәй сайлаучысына нәрсәләр белергә кирәк

Зәйлеләр тулысынча әзерләнгән 61 сайлау участогында тавыш бирә алачак. Сайлау көнендә шәһәрдә - 20, район авылларында 41 сайлау участогы ачылачак. Алар мәктәп, мәдәният йортлары, спорт учреждениеләре биналарының беренче катларында урнаштырылган һәм барлык кирәкле технологик җиһазлар, видеокүзәтү системалары белән җиһазландырылган. Участок сайлау комиссияләре 3 сентябрьдән үз вазифаларына кереште инде. Зәйлеләргә сайлау участокларының адреслары күрсәтелгән чакыру кәгазьләре таратыла. Шулай ук үз УИК номерын Татарстан Үзәк сайлау комиссиясе, Зәй муниципаль районы, «Зәй-информ» сайтларында һәм 25 июльдә чыккан «Яңа Зәй» һәм «Зэй офыклары» газеталарында белергә мөмкин. «Мобиль сайлаучы» сервисы эшли. 10 сентябрьгә кадәр гаризаны РФ Дәүләт хезмәтләре Порталы аша, МФЦ офисларында һәм территориаль сайлау комиссияләрендә бирергә мөмкин. 3 сентябрьдән 10 сентябрьгә кадәр-УИКТА. «Мобиль сайлаучы» технологиясе теркәлү адресы буенча түгел, ә фактта булу урыны буенча тавыш бирергә мөмкинлек бирә. 14 сентябрьдә тавыш бирү өчен барлык участоклар 7:00 дән 20:00 гә кадәр эшләячәк. Тавыш бирү традицион форматта, бер көн дәвамында узачак. Яшь сайлаучыларга истәлекле бүләкләр тапшырылачак. Тавыш бирү вакытында һәр сайлаучы ике бюллетень алачак: ТР рәисен һәм җирле депутатларны сайлау өчен. Шулай ук сайлаучылар беләзекләр алачак, алар ярдәмендә бу көнне бушлай бассейннарга, Боз сараена барырга, фильм карарга мөмкин. Масштаблы республика фотоконкурсы оештырылачак* #бөтен гаилә сайлаулары #ТатарстанАлга. Анда Татарстанның һәр гаиләсе, көн дәвамында фотоларын урнаштырып, ике автомобильнең берсен яисә 11 смартфонның берсен ота алачак. Читтә калмагыз-14 сентябрьдәге сайлауларда катнашыгыз!