Зәйдә район башлыгы«Аккурайд Уилз Руссиа»ҖЧҖ хезмәт коллективы белән очрашты
Бүген район башлыгы Р.Г. Кәримов «Аккурайд Уилз Руссиа» ҖЧҖ предприятиесендә булды һәм хезмәт коллективы белән очрашты. Разиф Гали улы коллективны 2025 елның беренче яртыеллыгында башкарылган эшләр, киләчәккә перспективалар, райондагы икътисадый вәзгыять белән таныштырды. "Аккурайд Уилз Руссиа" ҖЧҖ өстәмә эш күләмнәре алды, биш көнлек эш атнасы билгеләнгән, ел ахырына кадәр шундый режимда эшләячәк. Предприятие чыгымнарны киметүгә йөз тота, компания эчендә чыгымнарны оптимальләштерү эше алып барыла. Генераль директор Екатерина Мизрина билгеләп үткәнчә, компания социаль юнәлешле, хезмәткәрләр шифаханә-курорт дәвалануына юлламалар, ДМС полислары, медицина тикшерүләре, онко-чекапка тикшерүләр белән тәэмин ителә.. Очрашуга йомгак ясап, район башлыгы «Аккурайд Уилз Руссиа» хезмәт коллективына һәм җитәкчелегенә хезмәттәшлек өчен рәхмәт белдерде, предприятие үсешендә алга таба уңышлар теләде.