Зәйдә махсус хәрби операция зонасында һәлак булган хәрбиләрнең туганнарына дәүләт бүләкләре тапшыру тантанасы булды
Бүген "Энергетик" мәдәният йортында махсус хәрби операция зонасында һәлак булган хәрбиләрнең туганнарына дәүләт бүләкләре тапшыру тантанасы булды. Чара һәлак булучылар истәлегенә бер минут тынлык белән башланып китте. Район башлыгы Разиф Кәримов солдатларның туганнарына улларын илебезнең чын патриотлары итеп тәрбияләгәннәре өчен рәхмәт белдерде.
Рядовой Гарифуллин Рамил Хубулла улы, лейтенант Данилов Александр Викторович, рядовой Иванов Андрей Николаевич, рядовой Исаков Вячеслав Николаевич, ефрейтор Кузюрин Алексей Геннадьевич, кече сержант Мингалиев Рөстәм Хәниф улы, рядовой Сираҗетдинов Ракель Рәмзил улы хәрби бурычларын үтәгәндә күрсәткән батырлыклары һәм фидакарьлекләре өчен Россия Федерациясе Президенты Указы нигезендә «Батырлык ордены» белән үлгәннән соң бүләкләнделәр.
«Батырлык өчен» медале һәм «СВО катнашучысы» медале белән рядовой Әмирханов Руслан Фердинанд улы бүләкләнде, «Батырлык өчен» медале белән рядовой Галиуллин Ринат Рәшид улы (үлгәннән соң), рядовой Саттаров Рәүф Фердинант улы (үлгәннән соң), рядовой Сафин Борис Газизҗан улы (үлгәннән соң) , ефрейтор Харрасов Нияз Ильяс улы (үлгәннән соң) бүләкләнделәр. II дәрәҗә «Батырлык өчен» медале һәм «СВО катнашучысы» медале белән рядовой Угланов Дмитрий Анатольевич бүләкләнде. II дәрәҗә «Батырлык өчен» медале белән рядовой Хәйруллин Айнур Таһир улы бүләкләнде.
Хәрбиләр Ватанны саклауга бастылар, куелган бурычларны батырларча үтәделәр, батырлык күрсәттеләр, зәйлеләр өчен алар барысы да чын геройлар, батырлык һәм кыюлык үрнәге. Бүләкләрне туганнарына район башлыгы Разиф Кәримов һәм хәрби комиссариатның өлкән белгеч - эксперты Георгий Борисов тапшырды.
Геройлар турындагы якты истәлек безнең йөрәкләрдә мәңгегә сакланыр.