Сезонга әзеләнү: зәй баскетболчылары җыеннарда катнаштылар
Агымдагы елның августында Зәй муниципаль районының «Созвездие» балаларны савыктыру лагеренда «Барс» спорт мәктәбенең «Баскетбол» бүлекчәсендә тәрбияләнүчеләрнең укыту-күнекмә җыеннары булып узды. Анда тәҗрибәле тренер Асадов Камран Хәсән улы җитәкчелек итте. Җыеннар кысаларында уздырыла торган чаралар «Россия спорты»дәүләт программасы максатларын һәм бурычларын тормышка ашыруга юнәлдерелгән иде. Чарада 35 спортчы катнашты. Җыеннар яшь баскетболчыларны киләсе спорт сезонына әзерләүдә мөһим этап булды. Интенсив күнегүләр техник күнекмәләрне, физик әзерлекне һәм тактик фикерләүне камилләштерүгә юнәлдерелгән иде. Балалар ыргытулар, тапшырулар, тупны алып бару, шулай ук тизлекне, чыдамлыкны һәм көчне яхшырту өстендә эшләделәр. Оештыручылар спорт әзерлегеннән тыш, тәрбияләнүчеләрнең мәдәни ялын да кайгырттылар. Балалар төрле чараларда, уеннарда һәм конкурсларда катнаштылар, бу аларга ял итәргә, көч тупларга һәм уңай хис-кичерешләр алырга ярдәм итте. Укыту-тренировка җыеннарын оештыруга мондый комплекслы якын килү уңыш нигезе булып тора һәм көчле спортчылар гына түгел, гармонияле үсеш алган шәхесләр тәрбияләүгә дә ярдәм итә. "Укыту-тренировка җыеннары - интенсив эш кенә түгел, ә коллективны берләштерү һәм команда рухын формалаштыру мөмкинлеге дә ул»,-дип билгеләп үтте «Барс» спорт мәктәбе тренер-укытучысы Асадов Камран Хәсәнович. «Баскетбол» бүлекчәсендә тәрбияләнүчеләр кыйммәтле тәҗрибә тупладылар, үз күнекмәләрен ныгыттылар һәм яңа спорт казанышларына әзерләнделәр.