Зәйдә кыска вакытлы ялга кайткан хәрби хезмәткәрләр белән чираттагы очрашуы узды

Бүген «Без бергәбез» психологик-педагогик ярдәм үзәгендә район башлыгы Разиф Кәримовның кыска вакытлы ялга кайткан хәрби хезмәткәрләр белән чираттагы очрашуы булды. Очрашуга «Мамонт», "Батя"», «Тартар», «Татар» һәм Михаил кушаматлы биш Зәй хәрбие килде. Чара «Энергетик» мәдәният йорты һәм балалар музыка мәктәбе коллективының иҗади чыгышларыннан башланды. Очрашу башында махсус хәрби операция зонасында һәлак булган якташларыбызны бер минут тынлык белән искә алдылар. Аннары Разиф Гали улы хәрбиләрне шәһәр һәм райондагы эшләрнең торышы, башкарылган эшләрнең барышы белән таныштырды, барлык зәйлеләр исеменнән солдатларга Ватан мәнфәгатьләрен яклаулары өчен рәхмәт белдерде. Очрашу азагында Разиф Гали улы Аделина Фәнис кызы һәм Сергей Владимирович Васильевлар гаиләсенә кызлары Дарья туу уңаеннан 100 000 (йөз мең) сум 00 тиен күләмендә бүләк сертификаты тапшырды.