Зәйдә халык белән очрашулар дәвам итә

26 августта татар гимназиясендә район җитәкчелеге шәһәрнең үзәк өлешендә, 35 квартал, Воздвиженка һәм Кармалка микрорайоннарында яшәүчеләр белән очрашты. Очрашу башында район башлыгы Кәримов Разиф Гали улы агымдагы елның 1 яртыеллыгында шәһәрнең социаль-икътисади үсеше, шулай ук бу чор тәмамланганчы ниләр эшләнәчәге турында сөйләде. Шәһәрне төзекләндерү эшләре турында шәһәр Башкарма комитеты җитәкчесе Павлова Наталья Геннадьевна хәбәр итте. Зәй районы буенча полициянең өлкән участок уполномоченные Комаров Николай Алексеевич мошенниклыкның киң таралган ысуллары турында сөйләде. Җыелыш башланганчы шәһәр Советы депутатлары һәм тормыш тәэмин итү хезмәтләре җитәкчеләре халыкны кабул итте, аларны борчыган сорауларга аңлатма бирде. Очрашуда катнашучыларга Татарстан Республикасы казанышлары турында видеоролик күрсәтелде. Очрашуны тәмамлап, район башлыгы үз ишегалларын төзекләндерүдә катнашкан һәм «безнең ишегалды»программасын тормышка ашыруга өлеш керткән иң актив кешеләргә Татарстан Республикасы Рәисе Рөстәм Нургали улы Миңнехановның Рәхмәт хатларын тапшырды. Бүген шулай ук Сәвәләй авылы мәдәният йортында район башлыгы урынбасары П.С. Уразайкин Сәвәләй һәм Кара Елга авыллары кешеләре белән очрашты.