Зәйдә махсус хәрби операция зонасында һәлак булган хәрбиләрне соңгы юлга озаттылар

Бүген Зәй махсус хәрби операциядә катнашучылар – ефрейторлар Демьянов Евгений Григорьевич һәм Угланов Дмитрий Анатольевич белән хушлашты. Матәм чарасы «Энергетик» мәдәният йортында узды. Район башлыгы Р.Г. Кәримов хәрбиләрнең туганнарының һәм якыннарының кайгысын уртаклашты. "Бүген, инде дүртенче ел махсус хәрби операция дәвам иткәндә, без көннән-көн : бердәмлек, куркусызлык һәм каһарманлык кебек төп төшенчәләрнең кыйммәтен ныграк аңлыйбыз. Безнең сугышчылар алгы сызыкта сугыш хәрәкәтләрен тагын да зур тырышлык белән дәвам итәләр. Алар сәламәтлекләрен куркыныч астына куеп, кайчак үз гомерләрен корбан итеп, Ватан мәнфәгатьләрен яклыйлар, шул ук вакытта аларның һәркайсы, кайчандыр, Бөек Ватан сугышы елларында, безгә тыныч тормыш бүләк иткән өлкән буын ышанган кебек, чын күңелдән һәм берсүзсез җиңүгә ышана. “Хөрмәтле Евгений Григорьевич һәм Дмитрий Анатольевичның туганнары һәм якыннары! Татарстан Республикасы Рәисе, шәхсән үз исемемнән һәм барлык зәйлеләр исеменнән кайтарып булмаслык югалту белән бәйле рәвештә кайгыгызны уртаклашам. Без үз шәһәребезнең лаеклы улларын югалттык һәм үз гомерләре бәрабәренә Ватан мәнфәгатьләрен яклаучылар истәлегенә үзебез дә аларга лаеклы булырга тиешбез. Югалту ачысын бер генә нәрсә йомшарта ала – безнең хәтер, геройларга хөрмәт, рух көче һәм җиңүгә ышаныч!"- диде Разиф Галиевич.