Зәйдә гадәттән тыш хәлләр һәм янгын куркынычсызлыгы комиссиясе утырышы узды

21 августта, яңа уку елы алдыннан, мәктәп укучыларының кече академиясе бинасында район гадәттән тыш хәлләр һәм янгын куркынычсызлыгы комиссиясе утырышы булды. 1 сентябрь якынлаша, җәйге каникуллардан соң балалар яңадан күп вакытларын мәктәпләрдә үткәрә башлаячак. Җитәкчеләр алдында киләсе уку елы дәвамында белем бирү процессының куркынычсызлыгын тәэмин итү бурычы тора. Бу - янгын һәм террорчылыкка каршы куркынычсызлык, балаларны мәктәпкә имин йөртү, санитар-эпидемиологик иминлек. Нәкъ шушы мәсьәләләр «Зәй муниципаль районы мәгариф оешмаларының яңа уку елына әзерлеге" утырышында каралды да. Мәгариф идарәсе башлыгы Сәфәргалиев Э. Р. гомуми белем бирү оешмаларының яңа уку елына әзерлеге, Зәй муниципаль районы буенча күзәтчелек эшчәнлеге бүлеге башлыгы Кириллов А.В. гомуми белем бирү оешмаларының яңа уку елына әзерлек кысаларында янгын куркынычсызлыгы торышы, кулланучылар хокукларын яклау өлкәсендә күзәтчелек буенча федераль хезмәт җитәкчесе урынбасары Насыйбуллин Р.М. гомуми белем бирү оешмаларының санитар-эпидемиологик торышы һәм аларга яңа уку елына әзерлек барышында куела торган санитар-эпидемиологик таләпләр турында чыгышлары тыңланды.