Район башкарма комитеты җитәкчесе хезмәт коллективлары белән очрашты

Зәйдә район җитәкчелегенең хезмәт коллективлары, шәһәр һәм район халкы белән очрашулары дәвам итә. Бүген Башкарма комитет җитәкчесе Э.Э. Галиев «Теплосервис» ҖЧҖ, район ветеринария берләшмәсе, «Благострой» һәм «Горзеленхоз» оешмалары хезмәт коллективлары белән очрашты. Ул катнашучыларны 1 нче яртыеллыкта социаль-икътисадый үсеш нәтиҗәләре һәм 2025 елның калган чорына планнар белән таныштырды. Шулай ук «Зәй районы дәүләт ветеринария берләшмәсе” ДБУнең 2025 елның I яртыеллыгындагы эшчәнлегенә йомгаклар һәм 2025 елның калган чорына бурычлар турында» - берләшмә җитәкчесе Ф.Г. Исламов, “Теплосервис” ҖЧҖнең 2025 елның I яртыеллыгындагы эшчәнлегенә йомгаклар һәм 2025 елның калган чорына бурычлар турында предприятиенең баш инженеры Е. А. Храмов чыгышлары тыңланды. Җыелышта оешма хезмәткәрләренең сорауларына һәм мөрәҗәгатьләренә аерым игътибар бирелде. Очрашуга йомгак ясап, Эмиль Эдуардович чарада катнашучыларга нәтиҗәле хезмәтләре өчен рәхмәт белдерде, һәр хезмәткәрнең оешма үсешенә керткән өлешенә югары бәя бирде. Ирешелгән нәтиҗәләрне саклап калу һәм уртак нәтиҗәле эшчәнлекне дәвам итү мөһимлегенә аерым игътибар бирелде. Җыелыш гомуми эшкә зур өлеш керткән хезмәткәрләрне бүләкләү тантанасы белән тәмамланды.