Зәйдә "Яшьләр" паркын төзекләндерү эшләре төгәлләнде

«Яшәү өчен инфраструктура» милли проекты кысаларында Зәй шәһәрендә уңайлы шәһәр мохитен булдыру буенча эш дәвам итә. Проект гамәлдә булган чорда дүрт парк төзекләндерелде. Шул исәптән «Яшьләр» паркында эшләр агымдагы елда тәмамланган. Яңа түгәрәк түбә, мәгълүмати стендлар, спорт мәйданчыгында койма барлыкка килде; тренажерлар, өстәмә эскәмияләр һәм ял итү урыннары урнаштырдылар; юлларны брусчатка, резина валчыклар белән капладылар, яшелләндерү, тышкы яктырту, су белән тәэмин итү буенча эшләр башкардылар. Әлеге парк Зәй шәһәренең «Яңа шәһәр» микрорайонында җәмәгать пространствосы объекты булып тора. Архитекторлар һәм төзүчеләр пространствоны яхшырттылар һәм аны күп функцияле һәм халыкның төрле категорияләре өчен уңайлы иттеләр. Хәзерге вакытта паркта уңайлы ял итү һәм бик яхшы вакыт үткәрү өчен барлык шартлар да тудырылган. Паркны төзекләндерү эшләре әлеге территорияне халык өчен генә түгел, шәһәр кунаклары өчен дә кызыклы итүгә юнәлдерелгән.