Зәйдә республиканың иң яхшы энергетиклары ярыша

Бүген Зәйдә Татарстан Республикасының электр челтәре предприятиеләре энергетиклары арасында масштаблы ярышлар башланды. Ярышлар рәсми тантана белән башланып китте, анда район җитәкчелеге һәм челтәр компаниясе катнашты. Алар катнашучыларга уңышлар теләделәр, мондый чараларның тармакта профессиональлекне һәм куркынычсызлыкны арттыру өчен мөһимлеген билгеләп үттеләр. Район үзәге мәйданчыгында 9 Профессионал команда җыелды: Казан шәһәренең «Смарт Энерго» ҖЧҖ, Казан шәһәренең «Опора Плюс» ҖЧҖ, Казан шәһәренең «Контакт Энерго» ҖЧҖ, Бөгелмә шәһәренең «ЭлектороНефтеГаз»ҖЧҖ, Казан шәһәренең «КомСтройСервис» ҖЧҖ, Казан шәһәренең «Вэста» ҖЧҖ, «Казан шәһәренең Лэпмонтаж», Чаллының «Татэнергострой» ҖЧҖ һәм «Челтәр компаниясе» АҖ филиалының Чистай электр челтәрләре оешмасы катнашты. Алар үзләренең осталыкларын чынбарлыкка якын шартларда күрсәтәчәкләр. Ярышларны уздыру урынын сайлау очраклы түгел. Зәй районында уникаль уку үзәге бар, анда белгечләрне югары киеренкелектә эшләргә өйрәтәләр. Мондый үзәккә тиңнәр, Россиядә генә түгел, якын чит илләрдә дә юк, бу аны энергетикларның күнекмәләрен тикшерү өчен идеаль мәйданчык итә. Ярышлар 14-15 август көннәрендә дәвам итәчәк һәм җиде этаптан тора, аларда теоретик белемнәр дә, практик күнекмәләр дә тикшерелә. Ике көн дәвамында энергетиклар Татарстан Республикасының иң яхшы электромонтерлар бригадасы исеме өчен көрәшәчәкләр.