Яшьләр үзәге яшүсмерләре сәяси уенда катнашты

4 сентябрьдә "Дуслык" яшьләр үзәгендә "Мин - яшь сайлаучы" эшлекле уены узды, ул инде бу атнада булачак җиденче чакырылыш ТР Дәүләт Советы депутатларын сайлауга багышланган иде. Уенда катнашучылар гражданның кайчан тавыш бирергә хокукы барлыкка килү, сайлаучының сайлау бюллетенендә нинди тамга ясавы һәм башка сорауларга җавап бирде. Әлеге уенның максаты - булачак сайлаучыларның хокукый культурасын, аларның актив тормыш позициясен формалаштыру; үсеп килүче буында актив гражданлык позициясен тәрбияләү һәм җәмгыять тормышының сәяси даирәсендә үз ролен аңлау; үзләренең сәяси сайлавы өчен шәхси җаваплылык хисе формалаштыру; укучыларның социаль тәҗрибәсен киңәйтү, фән белән кызыксынуны арттыру (җәмгыять белеме, хокук); яшьләрдә команда эше күнекмәсен формалаштыру.