Зәй журналистларын ТР Матбугат көне белән котладылар
17 май көнне Үзәк китапханәдә Татарстан Республикасы Матбугат көненә багышланган «Газета – укучы: кире элемтә» дип аталган бәйрәм программасы узды. Татарстанда Матбугат көне 19 майда билгеләп үтелә. Бүгенге бу очрашуга җирле газета хезмәткәрләре чакырылган иде.
Район башлыгы Р.Г. Кәримов исеменнән чарада катнашучыларны бәйрәм белән район Советының иҗтимагый оешмалар, массакүләм мәгълүмат чаралары һәм милләтара мөнәсәбәтләр бүлеге җитәкчесе А.М. Биккинина котлады. Әминә Мулланур кызы үз чыгышында массакүләм мәгълүмат чаралары журналистлары эшенең катлаулы һәм җаваплы булуын ассызыклап үтте, аларга ныклы сәламәтлек, иҗади уңышлар һәм рух ныклыгы теләде, «Татмедиа» АҖ филиалының «Зәй информ» коллективына Зәй муниципаль районы башлыгының Рәхмәт хатын тапшырды.
Бүген журналист эшендә яңа, заманча тактикалар һәм стратегияләр барлыкка килде. Китапханәчеләр театрлаштыру ярдәмендә матбугат хезмәткәрләренең хезмәтләрен күрсәттеләр, газета рубрикалары буенча сәяхәт иттеләр. Кунакларга узган гасырда газета таратучыларның нинди роль уйнаганнарын һәм безнең көннәрдә ничек булганын күрсәтелде. Очрашуда катнашучыларга «Новый Зай» һәм «Зай офыклар» газеталарының яңа саннары таратылды. Матбугат көне шулай ук тугры абонентлар белән уртак бәйрәм. Бу көнне укучылар массакүләм мәгълүмат чаралары вәкилләренә сораулар бирергә, шулай ук аларны һөнәри бәйрәмнәре белән котларга мөмкинлек алдылар. Чарага өстәмә итеп «Периодик басмалар дөньясы» күргәзмәсе ясалды, анда укучылар узган еллардагы җирле газеталар һәм яңа елда чыккан саннар битләре буйлап сәяхәт итә алдылар. Мәгълүмат технологияләре гасырында газета үзенең актуальлеген югалтмый.
Коллективка алга таба иҗади уңышлар һәм казанышлар телибез! Очрашу күңелле атмосферасында узды һәм барлык катнашучыларда да җылы тәэсирләр калдырды.