Зәйдә район Икътисадый советы утырышы узды
Бүген хакимият бинасының кече залында район башлыгы Р.Г. Кәримов рәислегендә Зәй муниципаль районы Икътисадый советы утырышы узды. Утырыш башында Разиф Галиевич катнашучыларны районның 2024 елның 1 кварталындагы икътисади күрсәткечләре белән таныштырды. "Аккурайд Уилз Руссиа" ҖЧҖнең 2023 елдагы эшчәнлек нәтиҗәләре турында, 2024 елның 1 кварталы һәм 2024 елга перспективалы планнар турында" менеджер Сергей Абрамов чыгыш ясады. “Аккурайд Уилз Руссиа” ҖЧҖ 2018 елның июленнән эшли. Эшчәнлекнең төп юнәлеше - йөк һәм җиңел автомобильләр өчен штампланган тәгәрмәчләр җитештерү. Хезмәткәрләрнең уртача яше 45 яшь. Предприятие җитештерү күрсәткечләрен арттыра, шулай ук уртача хезмәт хакы арта, кадрлар агымы юк. Икътисадый Совет утырышына йомгак ясап Разиф Кәримов «Аккурайд Уилз Руссиа» ҖЧҖ эшчәнлегенә уңай бәя бирде, коллективка җайга салынган эшләре өчен рәхмәт белдерде.