Зәйдә Сәлахов Шамил Салих улын искә алу буенча турнир узачак

11 майда Зәй шәһәренең «Старт» спорт-савыктыру комплексында Татарстан Республикасының атказанган төзүчесе, ирекле көрәш буенча СССР спорт мастеры Сәлахов Шамил Салих улын искә алу буенча ачык турнир булачак. 2006-2007, 2008-2009, 2010-2011, 2012 елда туган һәм аннан кечерәкләр 15 үлчәү категориясендә көрәшәчәк. Бу турнир - күренекле һәм гүзәл кешенең казанышларын искә төшерү, шулай ук яшь көрәшчеләргә ярдәм итү өчен менә дигән мөмкинлек. Турнир 10:00 сәгатьтә башлана, ачылу тантанасы 11:00 сәгатьтә.