Зәйдә Лисичанск халкына чираттагы гуманитар йөк җибәрелде

Бүген зәйлеләр чираттагы тапкыр Лисичанск шәһәрендә яшәүчеләр өчен гуманитар йөк озаттылар. Азатлык китерүче солдат һәйкәле янында иртә таңнан яшь гвардиячеләр, сугыш хәрәкәтләре ветераннары, предприятиеләр, оешмалар һәм учреждениеләр җитәкчеләре, авыл җирлекләре башлыклары һәм битараф булмаган зәйлеләр җыелды. Йөкне озата баручы район башлыгы Р.Г. Кәримов зәйлеләр алдында рәхмәт сүзләре белән чыгыш ясады. - Гуманитар йөк "Бердәм Россия" партиясенең республика колоннасы составында барачак. Аны ТР Дәүләт Советы вәкилләре, волонтерлар озата бара. Йөк автомобиле "КамАз"ААҖнеке. Әлеге эшне оештыруда катнашкан һәркемгә һәм битараф булмаган зәйлеләргә зур рәхмәт, - диде Разиф Гали улы.