Зәйлеләр Бөтенроссия шимбә өмәсендә катнаштылар

2024 елның 27 апреле, шимбә

Апрель ае - чисталык һәм тәртип урнаштыру вакыты, ә өмәләр - яхшы традиция.

Бүген Зәй муниципаль районында 5 меңгә якын кеше һәм 50 берәмлектән артык техника шимбә өмәсендә катнаштылар. Предприятие, оешма, учреждение һәм җирле үзидарә органнарының барлык коллективлары ел саен үткәрелә торган традицияне саклап, Р.Ш.Фәрдиев исемендәге парк территориясендә, шулай ук шәһәр һәм район территорияләрендә май бәйрәмнәренә шәһәребез, авылларыбыз урамнарын һәм ишегалларын чистартылар һәм тәртип салдылар.

Өмә күңелле узды, чисталык  яхшы кәеф өстәде.